BAGUIO CITY – Naksayan dagiti pasyente ti COVID-19 a maiturturong kadagiti district hospitals ti Mountain Province no idilig kadagiti napalpalabas a bulan.
Sigun kenni Governor Bonifacio Lacwasan Jr., awan unay ti maad-admitar kadagiti district hospitals sadiay malaksid laeng iti Luis Hora Memorial Regional Hospital sadiay Bauko.
Inlawlawagna a ti nasao nga ospital ket addaan ti nangato nga occupancy rate gaputa sadiay a maiturturong dagiti dadduma a pasyente ti COVID-19 manipod kadagiti dadduma a probinsia kas iti Ifugao ken Ilocos Sur.
Gapu ti daytoy, kinunana nga inaramatdan dagiti sumagmamano a hotels sadiay kas temporaryo a treatment monitoring facility ti COVID-19.
Sigun pay iti gobernador, maiturturong met kadagiti provincial buildings dagiti empleyado ti gobyerno a nakaptan iti COVID-19.
