BAGUIO CITY- Manaynayunan ti bilang dagiti Micro, Small and Medium Enterprises (MSMEs) iti rehiyon Cordillera nga agnumnumar iti programa ti gobierno para kadagiti apektado ti pandemya.
Iti interview ti Bombo Radyo Baguio kenni Department of Trade & Industry- OIC Regional Director Juliet Lucas , kinuna nga agtultuloy ti distribusyon wenno panangipaayda iti livelihood programs kadagiti benipisaryo.
Karaman ditoy a naipaayen kadagiti sumagmamano nga MSMEs ti livelihood seeding kits a mabalin nga pagrugyan dagitoy nu sadinno umuna a nakipasetda iti panagsanay iti panagnegosio ken dadduma pay.
Dumanon iti P8-K ti gatad ti seeding kits kas maibasar metlaeng iti pagkasapulan dagiti MSMEs a nailanad iti business plan dagitoy.
Dumanon met itan iti 1,211 nga kits ti naipaayda iti sidong ti Negosyo, Serbisyo sa Barangay Program kadagiti nagduduma nga benipisaryo iti rehiyon.
Puntiryada met nga ipaay ti nsurok 4,400 nga livelihood kits met kadagiti benipisaryo nga agnumar iti Pondo sa Pagbabao at Pag-asenso a baru nga programa ti DTI.
