Kidkidawen dagiti opisyales ti barangay ti City Camp Proper ti panagturong dagiti indibidual nangruna kadagiti maki-on-online transact wenno agsapsapul iti pagboardingan babaen iti online nga agturong dagitoy ti brangay hall.
Daytoy ket tapno masigurdo ken maberipikar no pudpudno dagitoy tapno maliklikan a mabiktima.
Kasaruno metlaeng daytoy iti maipadpadamag nga adda dagiti mabikbiktima iti maatap nga online boarding house scam iti nasao a barangay.
Sigun ti maysa kadagiti biktima a maysa nga studyante nga iti online-na a nabirukan ti boarding house, no sadino nakaapan met daytoy ken nakaturog iti sumagmamano laeng nga aldaw.
Nupay kasta, naklaat daytoy idi pappapanawen daytoy ti agtagikua iti balay iti baet a nakabayad metten daytoy iti advance deposit.
Iti panakaiuman ti Bombo Radyo kenni James Bustarde – barangay kapitan ti City Camp Proper, kinunana a karit kadakuada ti saan da ammu nga adda ti online transaction dagiti agpapaupahan a binalbalakadan dan nga agala pay iti permit-da.
Kinunana a maammuanda laengen iti kapada nga insidente no maadaan dagitoy iti parikut no sadino kadawyan nga studyante dagiti mabikbiktima ken ag-on-online.
Impettengna pay a kadawyan a maymaysa a tao wenno balay ti irekreklamo dagiti biktima.
Innayun pay ti kapitan a nalabit kasapulan launay dagiti biktima ti pag-boardingan rason a saan dagitoy a sukimaten a nasayaat.
Mainaig ti dayta, sigun ti maysa kadagiti brgy. kagawad kadawyan a ti masakupan dagitoy a brgy ket transient wenno boarding house ti negosyo ngem manmano laeng dagiti awanan ti business permit.
Iti baet dayta, kinunana nga ad-adu latta dagiti mabikbiktima.
Impettengna pay nga addan dagiti naiparekep dagitoyen a boarding house nga awanan iti permit.//Bombo Noveh Organo
