Boluntaryo ti panagusar ti facemask iti uneg ti pagadalan kas panangsurot iti Executive order no. 7 ken Executive order no. 39 nga impaulog ti Department of Education.
Nakalanad iti nasao a pammilin a boluntaryo ti panag-usar ti facemask iti outdoor ken indoor areas pakairamanan dagiti pagadalan bayat a dagiti saan pay a fully vaccinated a manursuro ken estudyante ket kasapulan nga agusar.
Iti interview ti Bombo Radyo, kinuna ni Cyrille Gaye Miranda, Information Officer ti DepEd- Benguet, adda dagiti isolations rooms a nairanta para kadagiti manursuro ken estudyante a makapasar ti sintomas ti COVID-19 bayat a maipatungpal ti temperature checking kadagiti sumrek iti pagadalan.
Innayonna pay a maibasar iti Regional Consolidated Data, 99% ti nabakunaan a manursuro nu sadino 90% kadagitoy ti nakaawaten ti maika-dua a booster shot.
Dinakamatna a 35% paylaeng kadagiti estudyante manipud Elementary ken High School ti nabakunaan.
Kabayatanna, bimmaba ti bilang dagiti pagadalan a mangipatpatungal ti blended learning; maysa sadiay Abra, pito sadiay Benguet ken tallo iti Baguio City.
Sigun pay iti opisial, 99.5% kadagiti pagadalan iti Cordillera ti mangipatpatungpal ti full face to face classes.//Mae
