Napunpunno ti buffer stocks ti bagas iti sumagmamano a bodega ti National Food Authority (NFA), maysa a kasasaad a mabalin a mangpadagsen kadagiti lokal a mannalon no saan a mairuar dagitoy sakbay ti panawen ti panagani ita a Pebrero.
Ti napunno a bagas kadagiti sumagmamano a bodega ti National Food Authority ket naidumduma gaputa manmano laeng ti buffer stock ti bagas idi napalabas a tawen.
Sigun kenni warehouse supervisor Rodolfo Rubinas, Jr., dagiti kaaduan a bagas ket nagtaud pay manipod Region 3 – Pampanga, Bulacan, Nueva Ecija, ken Bataan.
Dagiti bodega iti rehion 1, 2, 3, 4, 6, ken 12 ket napunno ti buffer stocks, sigun iti National Food Authority (NFA).
Dagiti stocks manipod kadagiti nadakamat a bodega ket posible a mairuar kadagiti merkado publiko tapno maipababa ti presio ti bagas.
Ngem ur-urayen paylaeng ti NFA ti panangideklara ti Department of Agriculture iti food security emergency iti bagas.
Nupay kasta, dinakamat ti NFA a kasapulanda nga iruar ti stocks ti bagas sakbay ti panagapit inton Pebrero.
Iti kanito a saan a mapasamak, imposible a saan a makagatang ti bagas kadagiti mannalon.
