BAGUIO CITY – ‘Closely monitored’ dagiti Chinese nationals nga agnanaed iti siudad ti Baguio kasaruno ti panakaduktal ti dua nga indibidual nga awanan ti kaskenan a dokumento iti panagtalinaedda idiay Tuba, Benguet.
Dagiti nakemmeg nga indibidual ket maatap nga adda pakainaiganda iti iligal nga operasyon ti Philippine Offshore Gaming Operator (POGO).
Sigun kenni Engr. Bonifacio dela Peña, City Administrator, agingga inton Disyembre laeng ti dagiti POGO iti Pilipinas kas maibasar iti national declaration.
Kinuna met ni Engr. dela Peña a sipud idi ket aktibo dagitoy nu sadino amin dagiti Chinese people ditoy siudad ket makikokoordinarda kadagitoy.
Impasigurado nga agtultuloy ti panakitinnulongda iti komunidad iti panang-imbestigar kadagiti iligal a panagtalinaed dagiti Chinese ken daduma pay a nasyonalidad iti siudad.
