BAGUIO CITY – Maragsakan ni City Administrator Engr. Bonifacio Dela Peña iti pannakabigbig ti siyudad ti Baguio kas Richest City Outside Metro Manila.
Sigun kenkuana, kas richest city, ti challenge ti city government ket iti panagsustain iti daytoy a titulo.
Kinunana a masapolda nga itultuloy ti economic enterprises iti siudad.
Innayona pay nga awan ti parikut maipapan iti daytoy iti agdama gapu ta agtultuloy ti panagsangbay dagiti turista/bisita a makatulong iti panagdur-as ti ekonomiya ti siudad.
Malaksid iti dayta, al-allukoyenna dagiti negosyante a padur-asenda ti negosyo dagitoy tapno ad-adda pay a makatulong iti panangpatalinaed iti pammadayaw ti siudad.
Kinunan pay ni Dela Peña nga immadu met ti investors kalpasan a nagun-od ti tiulo.//Bombo Jez Lapizar
