--Ads--
BAGUIO CITY-Naalarma ti Baguio City Health Services Office (BCHSO) iti panagngato ti kaso ti Human Immunodeficiency Virus (HIV) iti siyudad.
Iti interview ti Bombo Radyo, kinuna ni Assistant Health Officer – Baguio City Health Services Office (BCHSO), Cellia Flor Brillantes a maka-irekrekordda ti dua agingga tallo a kaso tunggal bulan.
Innayonna, a manipod tawen 1994 ket nakairekord ti Cordillera ti 883 a kaso ti HIV nu sadino 549 ditoy ket nailista iti Baguio City.
Mainaig iti dayta, mangisayangkat ti BCHSO ti Commemoration para iti World Aids Day.
Daytoy ket maysa a wagas tapno manayunan ti pannakaammo dagiti tao nangruna dagiti agtutubo seknan iti HIV.
Ti nasao a selebrasyon ket tinawen nga ar- aramiden ti Baguio City Health Services Office.