BAGUIO CITY – Mangimuntar ti lokal a gobierno ti Baguio City iti complex para kadagiti natataengan ken sigud a rebelde iti syudad
Maibasar iti report, agserbi ti kagudwa ti complex kas retirement homes para kadagiti natataengan bayat a dagiti kagudwa ket mailatang para kadagiti sigud a rebelde iti syudad ken kadagiti kabangibang a lugar
Maimuntar ti complex iti 130 square-meter a lote a nailatangan ti pondo a P20 million.
Manipod iti nasao a gatad, dumanon iti P15 milyon ti nagtaod iti lokal a gobierno ti syudad bayat a ti P5 milyon ket impaay ti Department of Interior and Local Government (DILG).
Madutukan met ti City Social Welfare and Development a mangimanehar iti complex a maikargaan metlaeng ti ‘Bahay Pag-Asa,’ wenno sigud a maaw awagan ti Social Development Center (SDC), ken youth auditorium.
Naituding a matalantan ti plano para iti nasao proyekto inton Hunyo 27.
