BAGUIO CITY – Naisayangkat ti Baguio City Police Office ti maysa a programa para iti pannakarugi ti Criminal Investigation Course (CIC) sadiay PSSLAI Building, Ben Palispis Highway idi kalman, Mayo katorse.
Panggep ti Criminal Investigation Course a nayonan ti bilang dagiti nasigo (trained) nga imbestigador ken mangpapigsa iti crime solution efficiency iti siyudad.
Tarigagay pay daytoy a maragpat ti standard ratio nu sadino dagiti imbestigador ket buklenda ti 17% kadagiti personnel.
Iti uneg ti tallo pulo ket lima nga aldaw, manamnama a makagun-od dagiti makipaset iti nasao a kurso iti panakaammo seknan iti investigative techniques, laws, profiling, ken analysis.
Umawat pay dagiti agtarigagay nga imbestigador ti comprehensive instruction ken madevelop dagiti analytical, intuitive, ken investigative skills.
Daytoy ket tapno maisagana dagitoy para iti panangsango-da kadagiti agbalbaliw a criminal behaviors.
Malaksid iti dayta, manamnama a daytoy a wagas ket mangpasayaat iti kina-efficient ti siudad iti panangrisut iti krimen ken mangitandudo iti nataltalged a komunidad.
Ti nasao a programa ket nakipasetan ti lima pulo a personnel a mangbukel iti CIC Class 1054-2024.
Kabayatanna, kinuna ni PCol. Francisco Bulwayan Jr. a napateg ti investigation training tapno mapapigsa ken mapasayaat pay ti proficiency dagiti kameng ti puliysa iti panagpatalinaed iti patas ken impartial resolution kadagiti criminal cases.
Maipasigurado pay ti seguridad ken kinatalged iti komunidad a masakupan dagitoy.//Bombo Jez Lapizar
