--Ads--
Binilin ni President Ferdinand Marcos Jr. dagiti maseknan nga ahensia ti gobierno a mangipaay iti dagus a suporta kadagiti overseas Filipino workers (OFWs) a naapektaran iti missile strikes ti Israel-Iran itay nabiit.
Daytoy ket pammilinna babaen kenni Palace Press Officer Undersecretary Atty. Claire Castro nu sadinno, dinakamatna ti DFA, DMW ken OWWA.
Dinanakamat ni Castro a naka-heightened alert dagiti maseknan nga ahensia ken nakasagana a mangipaay iti tulong kadagiti overseas Filipino workers ti Israel ken Iran.
Kinunana pay nga adda ti contingency plan ti DFA nu kasapulan ti panagawid manipud Iran.
Kabayatanna, nangibaon ti gobierno ti Pilipinas iti team idiay Israel tapno masigurado ti kinatalged ti OFW.
