Kidkiddawen da Davao del Norte Representative Pantaleon Alvarez ken dagiti tallo pay a kakaduana iti Office of the Ombudsman ti dagus a pannakasuspindir da Speaker Martin Romualdez ken dagiti dadduma pay a House leaders gapu iti alegasyon iti mapapati a falsification iti National Budget law and graft ken corruption.
Ti nasao a kaso ket naipila gapu iti blank line items iti 2025 budget’s bicameral report, no sadino daytoy metlaeng ti immunan a napagtatalantan maipapan iti mapagduduaan a posible a pannakamanipula ti pundo.
Karaman kadagiti naakusaran da House Majority Leader Manuel Jose Dalipe, former appropriations panel chair Rep. Elizaldy Co (Ako Bicol Party-list) kenni chair Rep. Stella Quimbo (Marikina, 2nd District).
Nupay kasta, maipalagip nga immunan a nailawlawag a ti blank items ket naaprobaranen ti pinal nga ammount daytoy babaen iti bicameral conference committee no sadino ur-urayen laeng dagitoy ti computation adjustments dagiti technical staffs.
