BAGUIO CITY -Inaklon ti dadaulo ti Committee on Public Utilities, Transportation, and Traffic Legislation iti Baguio City Council a dakkel ti epekto iti trapiko ti dinomingo a panakairekkep ti Session Road para iti iti Sunday Showcase.
Iti interview ti Bombo Radyo Baguio kenni Council Benny Bomogao, imbinsana ti benepisyo ken epekto ti nasao nga aktibidad ti siudad tunggal Domingo.
Sigun kenkuana, nasayaat ti panggep ti aktibad gaputa makatulong iti ekonomiya nangruna kadagiti babassit a negosiante ngem saan met a nasayaat ti epekto daytoy iti gunay ti trapiko iti siudad.
Nupay kasta, agresresulta met daytoy iti nailet a gunay ti trapiko iti siudad tunggal Domingo.
Kinunana a nasaysayaat nu agsapol ti siudad ti lugar a mabalin a pakaisayangkatan ti livelihood fair tapnu maaksionan ti parikot iti trapiko iti sentro ti siudad.
Isingsingasingna a napinpintas nu maangay daytoy kadagiti kalsada wenno lugar a saan nga mukikom iti trapiko ken awan ti maperwisyo dagiti residente gapu iti trapiko.
Nupay kasta, kinuna a nakadependar latta iti executive department ti lokal a gobierno nu aniaman ti makitkitada a pagsayaatan ti publiko ken ti siudad.
