BAGUIO CITY – Pinaglibakan ti Department of Agriculture iti damag mainaig iti oversuplay ti carrots
Kasaruno daytoy iti nagwaras a ladawan iti social media seknan iti panangilako ti maysa a mannalon ti apitna a carrots iti nababa a presyo
Sigun ken DA Cordillera Regional Directos Cameron Odsey a dua a truck ti nasao a mannalon a naglaon iti carrots.
Inlawlawagna a nailako dagiti carrots a naglaon iti umuna a truck iti napintas a presyo gapu ta dumanon iti P23 agingga P25 ti presyo tunggal kilo ti nasao a nateng
Nupay kasta, kinunana nga adda dagiti buyers a nagtaod sadiay Manila a mangtartarigagay iti napinpintas a kalidad ti nateng isut gapu a saan a nagatang dagiti dadduma
Innayunna nga arigna a dagiti nabati a nateng dagiti nagpagpilian nga kayat met nga ipaibus dagiti mannalon iti napintas a presyo
Iti baet ti dayta, naaddaanda iti parikot gapu ta saanda a naipaibus daytoy iti dua nga aldaw ken masapoldan jay trak tapnu agbunag manen iti kanayunan a nateng
Gapu iti dayta, inlakoda laengen dagiti carrots babaen iti panangipablaakda iti social media para iti naparpartak a pannakaibus daytoy
Kagiddan iti dayta, impaganetgetna a napintas ti panaglako dagiti mannalon iti produkto a carrots iti agdama iti rehiyon gapu ta saan a nababa ti presyo ken adda ti mabirbirukan dagiti mannalon
Impettengna a mapaspasaran laeng ti oversuplay tunggal adda dagiti mapasaran a bagyo
Gapu iti dayta, kinunana saan nga agkurkurang ti production ti highland vegetables iti rehiyon Cordillera
