Maisaysayangkat ita ti damage assessment iti bagyo a Marce ken Nika kadagiti nagduduma a lugar iti rehion Cordillera.
Iti pannakaimun ti Bombo Radyo kenni Maria Aplaten, Regional Director ti Department of Social Welfare and Department, dumanon ti agarup P4000 ti dadael kadagiti babbalay iti probinsiya ti Apayao.
Sigun pay kenkuana, maisaysayangkat paylaeng ti kanayunan nga assessment iti nasao a lugar gapu paylaeng ti bagyo a Marce.
Maipalagip a ti probinsiya ti Apayao ti kagrabean a naapektaran iti bagyo a Marce iti intero a rehiyon.
Kabayatanna, madama metlaeng a maisaysayangkat ti damage assesment kadagiti lugar a naapektaran ti bagyo a Nika.
Sigun kenni Novelia Pocding, Division Chief iti City Social Welfare and Development dumandanon ti metlaeng iti agarup 4000 ti naapektaran iti bagyo a Nika idiay, Abra, Apayao, Benguet, Kalinga ken Mountain Province.
Malaksid ita dayta, agarup pito pulo ket lima nga evacuation centers iti entero a rehiyon ti nailukat para kadagiti nagbakwit nga indibidual nu sadino agarup 812 a pamilya ti nagkamang kadagitoy.
Agarup dua pulo ket tallo met nga evacuation centers ti nalukatan idiay Apayao bayat nga innem nga evacuation centers ti nailukat idiay Mountain province.
Iti probinsiya ti Benguet adda laeng ti maysa nga evacuation center a nailukat bayat a lima nga evacuation centers ti nalukatan iti probinsya ti Ifugao.
Malaksid iti dayta, tallo pulo ket maysa met nga evacaution centers ti nalukatan iti probinsiya ti Kalinga.
Iti baet dayta, awan payleng naireport a casualty gapu kadagiti nadakamat a bagyo.//via Bombo Noveh Organo
