Dumanonen iti P4.39 billion ti danyos ti nadadael iti sektor ti agrikultura iti pagilian gapu iti epekto ti El Niño phenomenon.
Gapu iti daytoy, agarup 85,232 a mannalon ken mangngalap manipud kadagiti sangapulo ket maysa a rehion iti pagilian ti naapektaran.
Dagiti naapektaran iti daytoy ket pakairamanan ti Cordillera Administrative Region, Ilocos Region, Cagayan Valley, Central Luzon, Calabarzon, Mimaropa, Bicol Region, Western Visayas, Zamboanga Peninsula, Davao Region, ken Soccsksargen.
Kaaduan kadagiti naapektaran a mula ket pagay a dumanon iti 61.71%, sarunuen ti mais a dumanon iti 17.53%.
Gapu iti daytoy, agarup 113,446 metric tons ti nadadael iti produksiyon ti pagay, 45,995 metric tons ti nadadael iti produksiyon ti mais, bayat a dumanon iti 24,306 metric tons ti naapektaran iti high-value crops.
