BAGUIO CITY – Nangrugin ti Debate sa Bombo para iti May 2019 midterm elections.
Ti Debate sa Bombo ket institutionalized a programa ti Bombo Radyo Philippines a nairanta para kadagiti kandidato kadagiti kangrunaan a posiyon iti nagduduma a paset ti pagilian, pakairamanan ti Baguio ken Benguet.
Pinasetan dagiti kandidato para iti kina-bise mayor ti siudad ti Baguio ti umuna a dupag ti Debate sa Bombo para iti masungad nga eleksyon.
Kangrunaan a napagsaritaan dagiti isyu ti Panagbenga, panakaipatungpal ti ordinansa ti carnival iti parke ti siudad, re-validation ti titulo a 211 ken dagiti responsibilidad ti maysa a bise-mayor.
Manipud iti innem a kandidato ti kina-bise mayor ti siudad, tallo laeng kadagitoy ti nakipaset iti nasao a debate.
Nagbalin a natalna ti naisayangkat a debate ken naipaayan iti gundaway dagiti kandidato a mangipaay iti kapanunutanda iti kadagiti isyu.
Maipatpatungpal ti Debate sa Bombo tunggal Sabado iti programa a Zona Libre, 6:30 agingga 9:00 ti rabii.
