--Ads--
Nagturungen dagiti dua pulo a delegado manipud iti probinsya ti Benguet para iti umadanin a Philippine National Para Games inton Nobyembre onse agingga katorse a maangay iti Rizal Memorial Sports Complex ken Philsports idiay Metro Manila.
Dagiti delegado ket nagtaud iti munisipyo ti La Trinidad, Tuba, Mankayan, Itogon ken Tublay.
Naituding met a makipaset dagitoy iti archery, chess, powerlifting, athletics, badminton, boccia, swimming, table tennis ken wheelchair basketball.
Gapu iti dayta nangipaay iti financial assistance a P5-K tunggal maysa ti opisina ni Benguet Governor Melchor Diclas.
Pinagyamanan metlaeng ni Diclas dagitoy gapu iti ayat ken commitmentda a mangirepresentar iti probinsya ti Benguet.
