Kidkiddawen ti maysa a grupo dagiti delivery riders iti Department of Social Welfare and Development (DSWD) nga ilawlawagda ti mekanismo iti panangipaay dagitoy iti P5,000 cash assistance.
Sigun iti Riders-Sentro, numan pay naragsak dagitoy iti panangiraman kadagiti delivery riders iti listaan dagiti benepisyaryo, agtaltalianed a pakaseknan dagitoy ti implementasyon ti nasao a programa.
Sigun kadakuada, addu nga delivery riders iti pagilianti saan a pormal nga empleyado kadagiti digital plafforms no diket adda da iti saan a sigurado nga working arrangements.
Gapu iti daytoy, posible a saanda a mairaman iti listaan dagiti maipaayan ti ayuda no saan nga inklusibo ti sistema ti distribusyon.
Tapno maliklikan daytoy a sitwasyon, kinarit ti nasao a grupi a makisarita kadagiti representatives dagiti delivery riders tapno malawlawagan ti eksakto a gatad ti maipaay, kwalipikasyon wenno criteris tapno agbalin a benepisyaryo. //bombokcs
