Binabalaw ni Senator Rodante Marcoleta ti Department of Energys (DOE) gapu iti inawaganna a kinakurang iti panangmonitor ti nasao nga ahensiya iti ngumatngato a produkto ti petrolyo.
Kabayatan iti panagdengngeg ti Proactive Response and Oversight for Timely and Effective Crisis Strategy (PROTECT) committee ti senado, kinuwestionaran ti Senate Committee on Trade, Commerce and Entrepreneurship chairperson a ni Senator Rodante Marcoleta ti killaat a panangngato ti presyo ti petrolyo bayat a mannarimaan pay laeng ti inventories.
“Noong nakaraang hearing natin last Tuesday, maliwanag po na sabi ninyo, DOE, meron tayong 46 days for diesel at that time. Tuesday po ito. Sa kerosene naman, meron tayong 53 days. Ang pinag-uusapan natin do’n, after 15 days, mula nung sabihin ng Pangulo na meron tayong 50 to 60 days inventory, biglang pumalo sa P110 per liter,” inlawlawag ti senador.
“Dati po nilang imbentaryo ‘yun eh. Paano po magiging P110 from P55?”, innayon daytoy.
Inlawlawag met ni Department of Energy Oil Management Bureau Director Rino Abad a kinasapulan dagiti oil companies a makaala iti koleksyon iti nasao a lawas tapno makagatangda iti seven-day replacement.
Idi dinamag ni Senator Marcoleta nu inalada ti pammalawag manipud kadagiti oil companies seknan iti killaat a panangipangato ti presyo ti petrolyo, dinakamat ni Abad a saanda a naaramid daytoy.
Impetteng met ni Senator Marcoleta nga inaramat kuma ti nasao nga ahensiya ti otoridad dagitoy tapno mangipresentar dagiti oil companies ti pammalawag iti killaat a panagngato ti presyo ti petrolyo.
Gapu iti frustration, iti tenga ti diskusyon, nag-walk out ni Senator Marcoleta iti session hall.
Mangeg met ni Senator Loren Legarda a mangdamdamag kenni Senator Marcoleta iti killaat a panag-walk out daytoy.
“Bakit ka aalis kung frustrated ka? Wala kang sagot na nakuha? Huh? Bakit ayaw eh kanina pa, ilang oras na tayo dito, wala pa ring sagot?” panangdamag ti senadora. //bombokaren.c.s
