Impeksa ti Department of Health (DOH) nga umdas ti health guidelines ti pagilian a mangprotektar iti publiko kontra iti monkey pox outbreak.
Maibasar iti datos ti Africa Centers for Disease Control and Prevention, dumanon iti 17-K ti maatap a kaso ti mpox kadagiti sangapulo ket tallo a pagilian idiay Africa.
Iti nasao a datos, agarup lima gasut ti nailista a pimmusay.
Kabayatanna, kalpasan ti panangideklara ti World Health Organization iti mpox kas health emergency, impakaamo ti pagilian a Sweden, Africa ken Pakistan a nakailistada iti nasao a sakit.
Para iti pagilian a Pilipinas, kinuna ni Department of Health pokesperson Assistant Secretary Albert Domingo a dumanon iti siyam ti kaso ti mpox.
Uppat kadagitoy ket nailista idi tawen 2022 ken lima a kaso ti nailista idi napalabas a tawen.
Nu pay kasta awan ti baro a kaso ti mpox a nailista para iti agdama a tawen.
