BAGUIO CITY – Agparparang a maysa kadagiti kangrunaan a parikut iti panakakontrol ti agturong idiay Mt. Pulag ti disiplina dagiti residente wenno locals ken dagiti dadduma a sumarsarungkar sadiay.
Sigun kenni Emerita Albas, Mt. Pulag National Park Superintendent , adda dagiti mairepreport a panakitinnulag nu sadino uray saan a mapalubosan a sumrek iti nasao a pagpasyaran ngem iligal a makalusot dagiti sumagmamano.
Dinakamat ni Albas a dagiti nasao nga insidente ket posible a mapaspasamak iti nagbatean dagiti turista, homestay operators, ken dagiti external organizers.
Innayon ti opisyal a ti kangrunaan a rason iti agsobsobra a bilang dagiti makaskastrek idiay Mt. Pulag babaen kadagiti iligal a proseso ket ti kuarta wenno revenue a mabalin a mapataud dagiti organizers.
Kinunana a kangrunaan a naobserbaran ti nasao nga operasyon iti immuna a kwarter iti agdama a tawen nu sadino agbaybayadda ti kwarta tapno laeng maaramidda ti nasao nga aktibidad.//Bombo Rob Dominguez
