Naipatuluden iti Senado ti House Bill 9349 wenno ti Absolute Divorce Bill, a naaprobaran iti maikatlo ken iti maudi a pannakaibasa, sigun kenni Albay lawmaker Edcel Lagman.
Kinuna ni Lagman a ti transmittal ket maitunos iti kiddawna kas naibaga iti suratna idi Mayo 28 no sadino kasapulan ti dagus a pannakaipatulodna iti Senado kas maibasar iti pammilin ti kamara.
Innayonna a ti transmittal ti nasao a gakat iti senado ket saanen a kasapulan nga urayen ti plenary action ti kamara inton mangrugi ti session dagitoy inton July 22,2024.
Nupay kasta, immunan nga impetteng ni Senate President Pro Tempore Jinggoy Estrada a saanda a prioridad ti Divorce Bill gapu ta saan daytoy a makatulong iti mabisinan a tiyan.
Gapu iti dayta, kinunana a ti prioridad dagitoy ket dagiti priority bills para iti pagsayaatan ti tumunggal maysa.
Kabayatanna, maipalagip a pakabukla iti 51% kadagiti Filipino ti saan nga umannamong iti nasao a gakat kas maibasar iti OCTA Research Group bayat a ti Tugon ng Masa survey ket pakabuklan iti 41% a respondents ti umannamong iti daytoy.//Rose
