--Ads--
BAGUIO CITY – Malamlamayan ita ti maysa a baro a pimmusay kalpasan a natnag iti rangkis sadiay Saddle, Talubin, Bontoc, Mountain Province ti imanmanehona a mini dump truck idi kalman.
Nabigbig daytoy a ni Renny Loy Gakelan Pey-agen, 33-anyos ken residente ti Talubin, Bontoc, Mountain Province.
Naduktalan iti imbestigasyon ti pulisya a nag-deliver ni Pey-agen ti steel bars sadiay Can-eo, Bontoc, Mountain Province ken pasublin daytoy.
Nupay kasta, maatap a napukawna ti kontrol iti manibela ti truck.
Nagresulta daytoy iti panaktnag ti truck iti rangkis nga addaan kauneg a mapattapatta a 250 a metro.
Naitaray ni Pey-agen iti Bontoc General Hospital ngem naideklara a dead on arrival.
