Pimmusay ti driver ti maysa a gas tanker bayat a naitaray iti pagagasan ti pahenante daytoy kalpasan a naibangga dagitoy iti maysa a warehouse iti sango ti Pulis Compact idiay Puguis, La Trinidad, Benguet idi 12:53 itay parbangon.
Gapu iti dayta, nangitunda daytoy iti uram idi alauna onse idi parbangon a nakairamanan ti warehouse kasta metten dagiti abayna a babbalay.
Iti exclusive interview ti Bombo Radyo kenni FO1 Wylene Smith manipud Bureau of Fire Protection-La Trinidad, Benguet, kinunana a naawanan iti preno ti nasao a truck rason a naibangga dagitoy.
Sigun kenni Smith naipit ti driver rason a marigatan dagiti rescuers a mangresponde iti daytoy rason a nauram ti bagi ti biktima.
Iti agdama, manarimaan paylaeng ti panagsebseb dagiti bombero, ken dadduma pay nga otoridad iti nasao nga uram.
Saan metlaeng a passable ti Puguis intersection kadagiti amin a byaheros isu’t gapuna a maipalagip a magna dagitoy kadagiti alternoute route kas iti BAPTC Diversion rd. to Longlong, ti Ampasit rd. ken dadduma pay a ruta.//Rose
