--Ads--
Nakemmeg ti maatap a “Drug Queen of the North” iti maysa a fastfood chain iti siudad ti Baguio kabayatan ti naipatungpal a buy-bust operation.
Sigun kadagiti otoridad, ti 48-anyos a suspek ket nagtaud sadiay Metro Manila ken naituding a mangideliver iti kontrabando iti undercover agent a katransaksyonna.
Naala dagiti otoridad kenkuana ti shabu nga aggatad iti P68-K kasta met ti marked money a nausar iti operasyon.
Maibasar iti report, ti suspek ket addaan iti wide drug operation iti Northern Luzon ngem kinuna ti suspek a daytoy ket mabilbilin a mangideliver laeng kadagiti iligal a droga.
Iti agdama, sumangsango ti suspek iti kaso a panaglabsing iti Comprehensive Dangerous Drugs Act of 2002.
