Nailista manen ti dua a kaso ti mpox wenno monkeypox iti pagilian ita a bulan, partikular iti Metro Manila ken Calabarzon sigun iti Department of Health ita nga aldaw.
Sigun iti nasao nga ahensia, agtawen iti 26-anyos a babae manipud iti National Capital Region (NCR) ti maika-sangapulo ket tallo a kaso bayat a ti maika-sangapulo ket uppat a kaso ket agtawen iti 12-anyos manipud iti Calabarzon.
Narikna dagitoy ti sintomas kas iti gurigor, uyek, rashes iti paset ti bagi dagitoy ken dadduma pay.
Iti agdama, nakailista ti pagilian iti sangapulo ket uppat a pakabuklan a bilang ti kaso iti monkeypox manipud idi Hulio Dosmil baente dos, no sadino siam kadagitoy ti nakarekover idi Dosmil Baete Dos bayat a lima kadagitoy ti manarimaan nga agpatpataming.
Kabayatanna, kinuna ti Department of Health a dagiti baro a kaso ti nasao a sakit iti pagilian ket naapektaran iti MPXV Clade II, saan a nakaro a klase ti mpox virus.
