BAGUIO CITY – Binallaagan ti Securities and Exchange Commission – Baguio ti dua a korporasyon iti siyudad.
Iti pannakiuman ti Bombo Radyo kenni Helen Veryan Valdez, Information Officer ti Securities and Exchange Commission – Baguio, daytoy ket ti Bagong Bansang Maharlika wenno (BBM) International Inc. nu sadino agdawdawat daytoy ti P100 a membership fee para iti pannakaproseso ti Identification Cards wenno ID’s.
Ti nasao a korporasyon ket agop-operate iti entero a pagilian nu sadino idia-diayada ti “assured benefits” kas ti food security, medical services, livelihood, free education, ken cash assistance para kadagiti senior citizens manipud iti lima pulo (50) a tawen nga agpangato ken daduma pay.
Malaksid iti daytoy, nadakamat metlaeng ni Valdez ti White Dragon Investment Group a mangal-allukoy iti publiko babaen kadagiti social media platform nga agpuonan kadagiti nagduduma a business sectors pakairamanan ti real estate development, food and beverage, franchising, leisure and gaming services, poultry and egg ken private investments.
Impetteng ni Valdez a dagitoy a korporasyon ket saan nga otorisado ti Securities and Exchange Commission.
Gapu iti dayta, mapalpalagipan ti publiko nga agridam kontra kadagiti scam.
