BAGUIO CITY – Nadangran ti dua nga indibidual iti pammagsol a napasamak iti sangoanan ti maysa a balay paginuman sadiay Lower Magsaysay, Baguio City idi parbangun ti Abril 24.
Nabigbig dagitoy a da Jonhrence Wanawan ken Allen Aronchay, 22- anyos, baro ken residente ti Dalican, Bontoc, Mt. Province.
Maibasar iti report, nagkamang ni Jesie Aronchay, 25-anyos, estudyante, tubo ti Bontoc, Mt Province ken residente ti Brgy. Dagsian Baguio City kadagiti otoridad seknan iti nasao nga insidente.
Iti inisyal nga imbestigasyon, kinarit dagiti saan pay a nabigbig a grupo ti lallaki dagiti biktima iti apa kabayatan ti panag-urayda ti taxi a nagresulta iti pannakabagsol da Wanawan ken Aronchay.
Dagus a naiturong dagiti dua iti pagagasan para iti pannakatamingda ken iti agdama ket addan iti natalged a kasasaad dagitoy.
Agtultuloy met ti imbestigasyon dagiti otoridad para iti panakaduktal ti umno a napasamak ken ti pakabigbigan dagiti suspek.
