BAGUIO CITY – Nakumpiskar ti 17 a pidaso ti marijuana bricks nga aggatad ti nasurok dua milyon a pisos iti checkpoint operation dagiti otoridad sadiay Naneng, Tabuk City, Kalinga idi kalman.
Maibasar iti imbestigasyon, nakaawat ti Tabuk City Police Station ti impormasyon seknan iti Toyota Avanza nga agibiahe ti marijuana.
Dagus a nangipatungpal ti Tabuk CPS, 1st ken 2nd COY KPFMC, PDEU/PIU, RSOG/RDEU, Lubuagan MPS, RID PRO COR, Balbalan MPS, Pasil MPS, ken HPG Kalinga ti checkpoint/interdiction operation.
Nangitunda daytoy iti panakatiliw dagiti suspek a da Mhark Yuzon, maysa nga Street Level Individual, 21-anyos, residente ti Tondo, Manila ken Jess Bilas De Guzman, 49-anyos, residente ti Dimasalang, Manila.
Maisagsaganan ti kaskenan a kaso kontra kadagiti dua a suspek.
