Naibalod dagiti dua a Filipino nursing assistants gapu iti mapapati a panang-abusoda iti maysa a pasyente iti rehabilitation facility idiay Estados Unidos.
Sigun iti Migrante New Jersey sadiay dinepensaan laeng dagitoy ti bagida kalpasan a nagbalin nga agresibo ti pasyente dagitoy.
Nabigbig met dagiti dua a da Dhenmark Francisco, agtawen iti dua pulo ket walo bayat a ti kaduana ket ni Jovi Esperanza, agtawen iti tallo pulo ket maysa.
Innayon pay ti nasao a grupo, a mapapati ti pasyente dagitoy nga agtawen iti lima pulo ket dua ket addaan iti pakastoryaan iti agresibo a kagagalad rason a dinangranna dagiti dua a nurse.
Mapapati a dinangranna dagitoy babaen iti panangitapwakna iti lamisaan rason a bimmales met dagiti dua.
Nupay kasta, inarestar dagitoy ti United States Immigration and Customs Enforcement (ICE) kasaruno metlaeng ti nasao nga insidente.
Gapu iti dayta, idagdagadag ni Philippine Ambassador Jose Manuel Romualdez dagiti Pilipino idiay America tapno agboluntaryo nga agsubli iti pagilian wenno isingpa dagitoy dagiti dokumentoda saanda nga urayen a madeport dagitoy.
