Pimmusay dagiti dua nga indibidual bayat a nagsagrap iti dunor ti maysa pay a kadwada iti napasamak a vehicular traffic accident idiay Sitio Maramal, Camp 5, Barangay Camp 4, Tuba, Benguet idi alas onse kwarenta itay agsapa.
Daytoy ket kalpasan a natnag ti naglugananda a Blue Utility Vehicle Mini Dump Truck iti rangkis nga addaan kauneg a 100 meters iti nasao a lugar.
Nabigbig ti pimmusay a driver a ni Michael Gayob Mader-an, 46-anyos ken residente iti NHA, Upper Tadiangan, Tuba, Benguet ken ti pasaherona a pimmusay a ni James Liwan Wagne, 31-anyos residente metlaeng iti NHA, Upper Tadiangan, Tuba, Benguet ken ti survivor a ni Agosto Bolodoken 49-anyos a tubo sadiay Besao Mountain Province ken residente idiay Tadiangan, Tuba, Benguet.
Maibasar iti report ti Tuba Municipal Police Station, paturong ti nasao a truck idiay La Union idi naawanan dagitoy iti preno a nangitunda iti pannakaidungparda iti barrier ti kalsada a rason iti pannakatnagda iti Bued River.
Dagus met a naipakaammo daytoy rason a nagresponde dagiti otoridad ken ditoy a nasarakanda ti driver ken dagiti dua a pasaheros daytoy nga unconscious.
Naipaayan met dagitoy iti first aid ken emergency assistance ken naiturongda iti Baguio General Hospital and Medical Center.
Nupay kasta idi alas onse baente sais ita metlaeng nga aldaw ket indeklara ti attending physicuan a pimmusay ni James Wagne gapu iti hemorrhagic shock.
Idi metlaeng alas onse trenta ita metlaeng nga aldaw indeklara metlaeng ti attending physician a pimmusay ni Michael Mader-an gapu iti pannakalmes.
Iti agdama, agpatpataming paylaeng ni Agosto Bolodoken kalpasan a nagsagrap iti head ken left leg injury ngem addan metten iti stable a kasasaad.
This is a developing story…
