Sumangsango dagiti dua nga indibidual iti warrant of arrest kalpasan a naakusaran dagitoy gapu iti Falsification by Private Individual ken ti panagaramat iti Falsified Documents iti sidong ti Revised Penal Code (RPC).
Ti warrant of arrest ket impaulog ti Municipal Trial Court sadiay La Trinidad, Benguet.
Ti nasao a kaso ket naipila gapu iti nagwaras iti online a mapapati a falsified document a maipagarup a birth certificate ni Benguet Congressman Eric Go Yap a mangkweskwestiunar iti eligibility daytoy nga agtaray para iti takem iti kongreso bayat ti 2022 ken 2025 elections.
Nupay kasta, immunan nga imbasura ti Commission on Elections (COMELEC) ti petition nga impila ni Franklin Tino para iti panakadiskwalipikar ni Yap gapu iti kinakurang ti ebidensya a naisumitir.
Iti baet dayta, nagwaras manen ti mapapati a birth certificate ni Yap kadagiti nagduduma a social media cites, partikular iti Facebook, a mangkweskwestiunar iti citizenship daytoy.
Kabayatanna, adda ti naituding a sag-P36,000 a pyansa para kadagiti dua a naakusaran para iti temporaryo a panakawaya-waya dagitoy.
