BAGUIO CITY – Naballigi ti maika-innem a fishing tournament idiay Burnham Lake itay laeng kanikadua.
Sigun kenni Rafael Serrano, fishing competition coordinator, dua pulo nga indibidual ti nakipaset iti nasao a competition.
Nagpaut iti tallo nga oras ti fishing competition nu sadino dagiti nangabak ket dagiti nakabingwit ti kaattidogan a tilapia.
Nagkampeon ni Ronie Paulino kalpasan a nakabingwit daytoy ti lima a tilapia nga addaan ti kaattiddog a 30.5 inches.
Sigun kenni Serrano, inyawid dagiti participants dagiti nabingwitda a tilapia agsipud ta natalged dagitoy a sidaen.
Impettengna pay a nawaya nga agbingwit idiay Burnham lake gapu ta napumpunno daytoy ti nagduduma a kita ti ikan kas ti tilapia, paltat ken dadduma pay.
Nasken laeng nga agala ti fishing permit iti opisina ti City Environment and Parks Management Office.
Manamnama a maangay manen ti kanayonan a fishing tournament inton Hunyo a dose ken inton Setyembre a uno iti agdama a tawen.//Rosemarie Bulsao
