Inlawlawag ni International Criminal Court assistant to counsel a ni Kristina Conti a saan a ti gobyerno ti Pilipinas ti mangbayad kadagiti expenses dagiti agbalin kas witness wenno testigo iti manarimaan a proceedings iti kaso ni sigud a President Rodrigo Duterte.
Daytoy ket kagiddan dagiti damag nga agwarwaras iti social media a ti Pilipinas ti mangbayad kadagiti expenses dagiti agbalin a testigo.
Sigun kenni Conti, ti mismo nga International Criminal Court ti mangbayad kadagiti magastos wenno kadagiti kasapulan dagiti witness kasta met nga strikto dagitoy kadagiti agbalin a kwalipikasyon dagiti agbalin kas testigo kasta met a mas mapainget daytoy no mainayun ti maysa nga indibidual iti witness protection program.
Saan met a maikonsidera dagiti witness kas turista gapu ta ti schedule ken movement dagitoy ket malimitaran.
Iti sabali a bangir, al-allukoyen ni Conti dagiti supporters ni Duterte a saan dagitoy nga i-divert ti isyu a sangsangoen ni sigud a President Duterte babaen iti panang-atake dagitoy kadagiti biktima ti napalabas nga administrasyon.
