Nainget a pinaglibakan ni sigud a senator Antonio Trillanes IV a nakaawat daytoy iti $2 Million pesos manipud iti sigud a mammanday-linteg a ni Zaldy Co.
Kalpasan daytoy a nairaman iti ‘bagmen’ issue no sadino nairaman daytoy iti akusasyon dagiti sigud a Philippine marine a nakaawat daytoy iti agarup $2 Million Pesos manipud kenni Zaldy Co tapno maaramat a mangsuporta iti pannakaibalud ni sigud a president Rodrigo Duterte idiay The Hague, Netherlands.
Iti pannakiuman ti Bombo Radyo Baguo kenkuana, dagitoy nga akusasyon ket tapno mulitan ti naganna ken ti mannarimaan a panagdengngeg idiay International Criminal Court.
Impettengna a saanna a palabsen ti panang-akusarda kenkuana. Sigun kenuana, mangipila daytoy ti kaso a libel kontra kadagiti adda pakainaiganna iti nasao nga isyu.
Imbinglay pay ti sigud a senator a nakasagana daytoy nga agtestigo nu bilang paayaban daytoy ti International Criminal Court seknan iti kaso a sangsangwen ni sigud a president Rodrigo Duterte.
