Maatap a pannakamolestia iti anak ti kuarentay-sais anyos a lalaki, construction worker, ti nagrugian ti panagsuppiat ken panaglinnaban ti akin-anak ken naka-innuman daytoy itay kanikadua idiay La Trinidad, Benguet.
Iti report ti kapulisan, nariing ti lalaki gapu iti panagtuktok iti dua a lalaki a mangaw-awis kenkuana tapno aginum.
Immanugot met daytoy ken inawisna pay dagitoy iti uneg.
Bayat ti panaginum dagitoy, agi-innangaw ti dua a lalaki a bisita ken pinagbalinda a “gymn” ti kuarto ti lalaki.
Nupay kasta, inimpormaran ti anak a babai ti amana a minolestia daytoy ti maysa kadagiti bisitana a lalaki, iti hallway paturong iti cr.
Gapu iti naamuanna, nakapungtot ti ama a nangitunda iti nabara nga argumento dagiti dua a partido.
Bimmalaet met ti manang ti lalaki ket inkulongna daytoy iti bukodna a kuarto tapno maliklikan ti panagdinnangran.
Nupay kasta, pinilit ti maysa a lalaki a lukatan ti ruangan a nangitunda iti pannakatumba ti nanang ti lalaki.
Nairita met ti nanang ti lalaki ket dinanogna ti ngiwat ti bisita dagitoy.
Ginandat pay ti agtagikua ti boarding house nga aganawa ngem saan a nagballigi.|via Bombo Noveh Organo
