BAGUIO CITY – Impasigurado ni Itogon Mayor Victorio Palangdan nga adda iti umdas a kagawaan dagitoy a maaramat nga agdalus kadagiti insidente ti panagreggaay a mairekord iti masakupanna a munisipyo.
Sigun kenkuana, nakasagana latta ti munisipyo iti aniaman a mapasaran dagitoy a parikot kagiddan ti agtultuloy a panagtudtudo.
Kinunana nga adda dagiti naadalda kadagiti napalpalabas a kapadasan dagitoy iti kalamidad, rason iti panangisaganada kadagiti amin a heavy equipment a maaramat iti panagwaknit kadagiti margaay a daga, evacuation centers, man-power, ken food packs a maipaay kadagiti maapektaran iti kalamidad.
Kabayatanna, kinuna pay ni Mayor Palangdan a maysa kadagiti kangrunaan a tuttutukanda sadiay dagiti lugar nga adda iti upper portion ti munisipyo gaputa dagitoy ti narisgo iti panagreggaay gapu iti panagminas
Gapu iti daytoy, kinunana a manamnama nga adda pay iti mapasaran dagitoy a landslide kadagiti national, provincial ken barangay roads ken dadduma pay.
Nupay kasta, kinunana a binilinna dagiti amin a Municipal Disaster Risk Reduction and Management Office tapnu ireviewda dagiti disaster preparedness a maipatungpal tunggal adda iti mapasaran a kalamidad.
