Natamaan iti tear-gas ni Auma Obama, ti half sister ni sigud a president Barack Obama idiay Kenya kabayatan ti panagprotesta dagitoy kontra iti gakat a mangipangato iti tax idi kalman.
Sigun kenni Obama, nakipaset daytoy iti rally gapu ta kayatna a suportaran dagitoy maipapan iti pangiyebkasda kadagiti arungaingda.
Nu pay kasta nangipatungpal ti gobyerno ti Kenya iti tear-gas iti laksid a banners ken bandera ti iggem laeng dagitoy.
Malaksid iti dayta, agarup lima nga indibidual ti pimmusay iti nasao a panagprotesta bayat a dinosdosena nga indibidual ti nadangran ken baente uno nga indibidual ti mapukpukaw.
Sigun kadagiti Kenyans, nangaton ti cost og living iti nasao a pagiliaan rason nu apay a saan dagitoy nga umanamong iti panakaingato ti tax idiay Kenya.
Kabayatanna, kiddaw ti Kenya Human Rights Commission kenni President William Ruto a pasardengenna ti mapaspasamak a panakateargas dagiti agproprotesta.
