--Ads--
Hustisya ti ipukpukaw ti pamilya dagiti pimmusay iti napasamak a pammaltog iti San Jose National High School idiay Tacloban City.
Sigun iti ina ni Joyancee Separa, maysa kadagiti pimmusay, kayatna a maibalud ti guardian dagiti ubbing a suspek iti pammaltog.
Kidkiddawen metlaeng ti ina ni Ayessa Nicole Dazo, maysa metlaeng kadagiti pimmusay a maibalud dagiti suspek.
Mainaig iti dayta, saan a patien dagiti maseknan a nagannak a bullying ti nagramotan ti napasamak nga insidente.
Kabayatanna, impetteng ni Tacloban City Mayor Alfred Romualdez a napateg a maisayangkat ti nainget nga imbestigasion iti agpayso a motibo dagiti menor de edad a suspek.
