--Ads--
BAGUIO CITY – Nakemmeg ti maysa a high value target iti operasyon nga insayangkat dagiti otoridad sadiay Catlubong, Buguias, Benguet idi Huwebes, April 30.
Nabigbig daytoy a ni Marson Ballusong, 33-anyos, mannalon ken residente ti Dontog, Catlubong, Buguias, Benguet.
Nakumpiskar kenkuana kabayatan ti operasyon ti maysa a pakete ti maatap a shabu nga agdagsen iti mapattapatta a 0.4 grams ken maysa a transparent cellophane a naglaon ti maatap a shabu nga agdagsen ti mapattapatta a 200 grams nga aggatad ti P1.36-M.
Nakumpiskar pay ti nagduduma a drug paraphernalia bayat a narekober ti naaramat a buy-bust money.
Sumangsangon ni Ballusong iti kaso a panaglabsing iti Comprehensive Dangerous Drugs Act of 2002.
