Impeksa ni Igorota Muay Thai Champion Islay Erika Bomogao ti panagyamanna kadagiti suporta ken talek a naaw-awatna manipud iti kakailyanna, kakabagyanna, pamilyana ken dadduma a tao.
Daytoy ket kalpasan a nabigbig kas World’s No. 1 iti International Federation of Muay Thai Associations Ranking para iti 45 kilograms female elite athlete.
Iti exclusive interview ti Bombo Radyo kenkuana, kinunana a nagasat daytoy agsipud ta adda a suportado dagiti nagannak, pamilya, coaches ken dagiti dadduma pay kadagiti amin a pakisalsalipanna.
Sigun kenkuana, nangrugi daytoy a nakisalip iti Muay thai gapu iti curiousity daytoy ken nakitana metlaeng a daytoy ti passionna.
Gapu iti daytoy, nagtultuloy a nakisalip agingga a nagun-odna iti agdama ti nasao a pammadayaw.
Iti agdama, manarimaan ti panag-ensayoda bayat nga agur-uray dagitoy iti imbitasyon para iti sumarsaruno pay a labanna.
