--Ads--
Agtultuloy ti imbestigasyon dagiti otoridad iti napasamak nga uram iti Baguio City Public Market ita a rabii.
Maibasar iti inisyal nga imbestigasyon napasamak ti uram iti oras ti alas nuebe trentay dos (9:32) idi tattay ngem dagus metlaeng a naideklara nga under control daytoy iti oras ti alas nuebe kwarentay tres (9:43) ita metlaeng rabii.
Sigun kenni kenni City market superintendent Ceasar Emilio, napasamak ti uram iti miscellaneous section idiay Hilltop Road.
Uppat met kadagiti stalls sadiay ti naireport a naapertaran iti nasao nga uram.
Dagus met a nagturong dagiti otoridad sadiay kaduada ni Mayor Benjamin Magalong a nag-inspeksyon iti nasao a lugar.
