Agtultuloy ti imbestigasyon iti napasamak nga uram iti maysa a resort construction site idiay Busan City, South Korea itay kanikadua a nakatayan dagiti innem nga indibidual ken pannakadangran dagiti dua pulo ket lima nga indibidual.
Iti pannakiuman ti Bombo Radyo kenni Ruel Toquero-Bombo International News Correspondent sadiay South Korea, kinunana nga agtultuloy ti naun-uneg pay nga imbestigasyon tapno maduktalan ti pudpudno a rason ti nasapamak nga uram.
Maibasar iti report nga inruar ti Busan Gijang District Fire Department, nangrugi ti uram iti alas diez baente ti agsapa ngem sumagmamano nga oras ti napalabas sakbay a naiddep wenno nasebseban ti uram.
Sigun kenni Toquero, kas maibasar iti inisyal nga imbestigasyon dagiti otoridad sadiay mapapati a nangrugi ti nasao nga uram iti umuna a kadsaaran ti 12 storey a hotel no sadino mapapati a gapu iti spark ti welding ti nangitunda iti pannakauram dagiti flammable materials a rason ti panagramaram ti uram.
Impetteng pay ni Toquero nga adda dagiti mangibagbaga nga adda iti panaglabsing iti safety codes ti nasao a hotel.
Gapu iti dayta, daytoy ti maysa a kitkitaen dagiti imbestigador tapno maammuan ti pudpudno a rason ti nasao nga insidente.
