Naobserbaran dagiti sumagmamano nga uniformed personnel nga adda ti maisaysayangkat nga indisguise relief distribution iti naduma-duma a Barangay iti probinsya ti Kalinga iti baet nga awan ti napasamak a didigra sadiay.
Agbalbalin metlaeng a parikot kadagitoy ti mapaspasamak a panagkampanya dagiti kandidato wenno partylist group kagiddan ti panangiwaras dagitoy iti relief.
Kabayatanna, impetteng ni Atty. Juluis Torres, Regional Director iti Commission on Election Cordillera a maysa daytoy a kita ti presumed vote buying.
Innayon ti nasao nga opisial a kadawyan a pakapaspasamakan daytoy ket dagiti nasulinek a lugar.
Immapanamnama met ti nasao nga opisial a kabaelanda daytoy a mapasardeng iti kanito a matakuatanda daytoy.
Sigun kenkuana, mapaayaban dagiti possible a witness tapnu maipila ti kaskenan a kaso kontra kadagiti indibidual a maatap nga agisaysayangkat iti vote buying.//Bombo Noveh Organo
