--Ads--
Pimmusay ti innem nga indibidual bayat a maysa ti kritikal ti kondisionna kalpasan a nauram ti Cebu fishing boat iti baybay a paset iti Naga City idiay Cebu idi kalman ti rabii, sigun iti Philippine Coast Guard (PCG) ita nga aldaw.
Maibasar iti imbestigasion, kritikal ti kondision ti maysa kalpasan a nagsagrap ti third degree burns bayat a ti lima a dadduma pay a naispal ket nasayaaten ti kondisionda.
Nakaawaat ti Philippine Coast Guard iti report idi kalman iti oras 8:25 p.m. a maur-uram ti FBCA King Bryan nga addaan ti 12 crew iti 1.5 nautical miles east manipod igid ti baybay idiay Naga City.
Rimmisponde ti Coast Guard Sub-Station Naga iti insidente ken inisyal a narekober ti dua a bangkay.
