--Ads--
Saan a mangipatungpal ti tigil pasada dagiti grupo ti transportasyon iti siudad ti Baguio kagiddan ti naipadamag a mapangpanggep a maaramid ti nasao nga aktibidad iti sabali a paset ti pagilian inton Lunes aginnga Martes.
Iti panakiuman ti Bombo Radyo kenni Rogel Canao,dadaulo ti MANIBELA Transport Group ti Baguio-Benguet, kinumpirmarna nga agtultuloy ti operasyon dagitoy gapu ta ikonkonsiderada dagiti pasaheros a maawanan ti pagluganan.
Nupay kasta, dinakamat ni Canao a mapangpanggep ti panakaisayangkat ti sabali pay a programa wenno aktibidad nu sadino manamnama nga iyekbas dagitoy dagiti arungaing wenno pakaseknanda mainaig iti programa ti gobyerno a Public Utility Vehicle Modernization.//Bombo Rob Dominguez
