Nakasaganan dagiti kameng ti pulis sadiay Sablan, Benguet para iti umadanin nga All Souls Day ken All Saints Day inton umay a bulan.
Iti panakiuman ti Bombo Radyo kenni Police Captain Christopher Banglo, dadaulo ti Sablan Municipal Police Station, kinunana nga adda dagiti pulis a maideploy kadagiti kalkalsada nga asideg kadagiti dua a sementeryo sadiay Sablan tapno naannayas ti garaw ti trapiko.
Sigun kenni Banglo, awan ti parikut nu maipapan iti trapiko iti nasao a lugar gapu ta kayana nga iakomodar dagiti lugan a lumablabas tunggal adda dagiti special occassions wenno holidays.
Iti sabali a bangir, naituding a maikarga ti tourist assitance desk kadagiti stop over area para iti panakaasistar dagiti turista a sumangsangbay nangruna ket ditoy a masarakan dagiti sumagmamano a tourist destination kas iti Viewdeck.
Nu pay kasta, impakaamo ni Banglo a sitatalinaed a nakarekkep ti Towing Falls.