Pormalen nga impresenta ti prosecution team ti International Criminal Court (ICC) dagiti kanayunan a dokumento ken ebidensiya tapno mapaneknekan ti maatap a widespread, systemtic attack iti sidung ti administrasyon ni sigud a president Rodrigo Duterte.
Iti panagtultuloy ti panagdengngeg, mismo a ni International Criminal Court lawyer Robynne Croft ti nangilatag kadagiti kannayunan nga impormasyon iti nasao a korte.
Nakasentro ti presentasyon ni Croft iti naranggas a panangipatungpal iti war on drugs ti administrasyon ni sigud a president Duterte.
Sigun iti prosekusyon, mangpaneknek dagiti insumitirda a dokumento ken ebidensya iti serye dagiti insidente a panangpapatay no sadino impettengda a paset amin daytoy iti planado nga atake kadagiti sibilyan ti pagilian a Pilipinas. //BomboKCS
