BENGUET PROVINCE – Naipasan iti Senate Committee on Justice and Human rights ti impila ni Congressman Eric Go Yap nga House Bill No. 1908/9476.
Sigun kenkuana, panggep daytoy a manayonan pay ti Municipal Trial Court ti First Judicial Region ti Benguet nu sadino maipasdek idiay La Trinidad.
Innayonna pay a nabayagen daytoy a singasingna idiay Judiciary gapu ta maur-urnong ti kaso iti municipal trial court gapu iti kinakurang ti trial court.
Babaen iti daytoy, mas mapapartak ti panakatalantan ti kaso ken ti panakaragpat ti hustisya dagiti biktma.
Mangnamnama met ti Congressman a pirmaan daytoy ni President Ferdinand Marcos Jr. tapno mairugin ti panakaipasdek daytoy.
Kabayatanna nailanad pay itI house bill a ti Korte Suprema ti mangi-assign ti branch number ti maipasdek nga MTC.//Mae Bagsang
